मला पाहिजे पुन्हा सारं,
हिशोब करायचा आहे मला.
मला पाहिजेत त्या,
तुझ्या विचारात मी जागवलेल्या रात्री.
पाहिलेली ती अधुरी स्वप्न.
तुझ्या काळजीत झालेली ती,
माझ्या श्वासांची घालमेल.
तुझ्या मिठीतले ते क्षण.
माझ्या गालावरचा तुझा तो स्पर्श.
तुझ्या खांद्यावर डोक ठेऊन पाहिलेला तो,
मावळणारा सूर्य.
तुझ्या पायदळी तू तुडवलेली,
माझी सावली.
माझे शब्द,
माझ मन,
माझ प्रेम.
सार पाहिजे मला पुन्हा.
हिशोब लावायचा आहे मला.
आणि पहायचं आहे.
कुठे चुकलो मी ते.
कारण माझ मन मला खातंय.
त्याला उत्त्तर द्यायचं आहे.
ये मी वाट पाहतोय.
त्याच तुझ्या आवडत्या ठिकाणी.
जिथे तू माझा हात,
धरला होतास.
आणि,
सोडलाही.
मी वाट पाहतोय,
तुझ्या येण्याची.

राहुल सिद्धार्थ साळवे
( तुझ्या आठवणींच मोरपीस )