सांगेल का कोणी, अर्थ मला जगण्याचा.
थोडा तो हसण्याचा, थोडा तो रडण्याचा.

रमतात ना लोक? , त्या गोजिरवाण्या गोष्टीत?
त्या अंधारात रंगणाऱ्या, क्षणभंगुर स्वप्नांचा.

ठरते ना ज्यावरून? , जन्माचे सार्थक सारे.
तो खेळ आयुष्याचा , नेमका जिंकण्याचा.

चार खांद्यावर घेऊन , मिरवतात ना तो?
तोच सोहळा गर्दीतल्या, शांत आक्रोशाचा.

सांगेल का कोणी, अर्थ मला जगण्याचा.
थोडा तो हसण्याचा, थोडा तो रडण्याचा.

राहुल सिद्धार्थ साळवे