जा जाऊन सांगा तुमच्या कुबेराला,
आम्ही तुम्हाला विकत घ्यायच ठरवल आहे.
मोजून मापून,
स्वतःच्या पोटाला खाणारे तुम्ही,
आम्हाला भारी पडाल?
शिळ्या भाकरीचं,
झणझणीत कोड्यासाच,
रक्त वाहतंय अंगात.
लक्षात ठेवा.
तलवारी बिलवारीच्या गोष्टी,
आम्हाला नका सांगू.
अंधार पडला कि नाही लागत,
आमच्या घरात दिवा.
आम्ही प्रकाशाच विकत घेतला आहे.
तेजोमय..प्रकाशमान असा.
तर तुम्ही काय चीज आहात?
अमावसेच्या अंधारात आयुष्याच गणित सोडवणाऱ्या,
भेकड...साल्याहो.
जा जाऊन सांगा तुमच्या कुबेराला,
आम्ही तुम्हाला विकत घ्यायचं ठरवल आहे.

राहुल सिद्धार्थ साळवे