आजच ठरवा..

आजच ठरवा मला,जाळणार कोण आहे?
सूतक जाण्याचे माझ्या,पाळणार कोण आहे?
मी आगीत त्या,निजल्यावरी शांत
फसवे चटके लागून,पोळणार कोण आहे?

येता माझी कधी,आठवण ती एकटयात
गाली हसून सांगा,टाळणार कोण आहे?
रंगता मैफिल माझ्या,सरलेल्या जगण्याची
गझल म्हणुनी अश्रु,गाळणार कोण आहे?
करुनी सारे हे दिखावे,मी काळ।त दडल्यावर
एका तपानंतर मला,ओळखणार कोण आहे?
आजच ठरवा मला,जाळणार कोण आहे?
सूतक जाण्याचे माझ्या,पाळणार कोण आहे?

- राहुल सिद्धार्थ साळवे