भाकरीत चंद्र

भाकरीत चंद्र शोधत
माय रात्र जाळत होती
बा ने तर बाटलीतच
आभाळ एकवटले होते
आणि मी
चुलीतून
अस्ताव्यस्त उडणाऱ्या त्या
ठिंणग्यान मध्ये
तार्याची सप्तर्षी शोधत
त्या ध्रुवाला
चाचपडत होतो
कारण सार्यांच्या पोटाला
भूक नावाच्या सुर्याचे
ग्रहण लागले होते
आणि हे सारचं
त्याला साकडं घालायचं
जळकं गार्हान होतं
रडत रडत जळणाऱ्या
चिमनिला साक्षी ठेवून
जळकं गार्हान होतं

-राहुल सिद्धार्थ साळवे