खटला...

अर्धे गुन्हे उराशी कवटाळुन,
तू मला माझ्या समानतेचा,
जर धड़ा शिकवत असशील?
तर लक्षात ठेव की,
मी अन्यायाच्या चुलीवर,
माझी भाकर भाजणार नाही.
मी स्वाभिमानाला माझ्या,
तुझ्या बुडाखाली ठेवणाऱ नाही.
तुझ्या मानसिक मानवतावादी,
माजुरड्या मानवतेला,
मी पुन्हा घालतो की नाही बघ,
तो पारतंत्राचा बुरखा.
मग तू मला जन्मठेप दे,
की दे मला फाशी.
मी जाता जाता तुला,
माणसाची,
माणुसपणाची व्याख्या,
बिन व्याजी देऊन जाईल.
जर तू माझ्यावर,
देशद्रोहाचा खटला भरू शकला तर.
जर तू माझ्यावर,
खटला... भरू शकलास तर.

-राहुल सिद्धार्थ साळवे