घेऊनी खांद्यावरी झेंडा

घेऊनी खांद्यावरी
झेंडा हा निघालो
होती सोबतीला
तीही वाट चुकलो

घोषणा नार्यान पुरता
आक्रोश माझा उरला
समजुनी भलत्यास विठ्ठल
त्याच्या पुढे झुकलो
हातावरील रेषा
दांड्यात लुप्त झाल्या
विकताना स्वाभिमान
राज्यकर्ती खेळी शिकलो
कळलेच नाही कधी
मी त्यांचा काटा झालो
कार्यकर्ती जात माझी
मी तिचा गुलाम झालो
आज उलटे पडले फासे
मी तेव्हा राखून फसलो
दोन घोट पाण्यासाठी
चितेवर त्या नग्न जळलो

-राहुल सिद्धार्थ साळवे