तू लाख करशील त्या,
स्त्रीवादी समाजाचा गवगवा.
तरी तूला करावाच लागेल,
मान्य तो,
स्त्री पुरुषाला विभागणारा,
परिवर्तनवादी माणूस.

चारचौघात आजही दिलखुलास हसणारी,
चर्चेचा विषय ठरते,
इतिहास घडवणारी,
ती स्त्री.

वंशाच्या वाढीचा दोष,
रोष,
आणि बरेच काही पचवते ती,
घराचा उंबरठा ओलांडताना,
पुरुषाच्या खांद्याला खांदा लावून,
लढ़णारी...जिंकणारी...जगणारी,
ती जणू पंख छाटलेली,
स्त्री रूपी फिनिक्सच.

नाही म्हणुच शकत नाहीस तू.
करावेच लागेल मान्य तूला,
तुझ्या पुरुषार्थात अडकलेली,
तुझी अर्धांगिनी.
तुझी माय.
तुझी लेक.
आणि बहिणही.

जरी असेल तुझा विरोध,
माझ्या या मताला?
तर आधी,
तू तुझ्यात डोकावून बघ.
आणि मग माझ्याशी वाद घाल.
त्या स्त्री स्वातंत्र...स्त्री समानतेचा.
मी तयार आहे,
तुझ्या बुळचट...पुरुस्कृत विचारांना,
तडा देण्यासाठी,
मी तयार आहे.